काठमाडौं । राष्ट्रपति रामचन्द्र पौडेलले अझैपनि नेपाल अझै सङ्क्रमणकालीन चुनौतीबाट माथि उठ्न नसकेको बताएका छन् ।
सोमबार त्रिभुवन विश्वविद्यालयको उनन्चासौँ दीक्षान्त समारोहलाई सम्बोधन गर्दै राष्ट्रपति पौडेलले, नेपालले अझै परिवर्तनको बाटोमा अघि बढ्दाका सङ्क्रमणकालीन चुनौती र विघ्नबाधाहरूको सामना गर्नुपरिरहेको बताएका हुन् ।
समावेशी विशेषतायुक्त अहिलेको संविधानले सामाजिक एकता र समानताका आधार तय गरेको भन्दै उनले भौगोलिक, सांस्कृतिक र जातीय विविधतायुक्त व्यवस्था राष्ट्र निर्माणका लागि महत्वपूर्ण पक्ष भएको बताए ।
उनले राष्ट्र निर्माण र राष्ट्रिय समृद्धिका लागि उच्च शिक्षाको जननीका रूपमा विश्वविद्यालयजस्तो प्राज्ञिक संस्थाहरूको अहम् भूमिका रहने भन्दै राष्ट्रको समृद्धिका लागि प्राकृतिक स्रोतको मात्रै नभई ज्ञान, सीप र प्रविधिको विकासमा जोड दिए ।
विश्वविद्यालयले प्रदान गर्ने उच्चशिक्षा समयसापेक्ष, बजारमुखी र विश्व बजारमा प्रतिस्पर्धी बनाउनेतर्फ समय सापेक्ष नीति अँगाल्नु जरुरी रहेको उनको छ ।
प्रतिक्रिया