इजरायली बमबारीमा मृत्यु हुनेको संख्या १० हजार नाघ्यो

काठमाडौं । इरजायली आक्रमणमा गाजामा अहिलेसम्म मृत्यु हुनेको संख्या १० हजार २२२ पुगेको छ ।

गाजामा कार्यरत राष्ट्रसंघीय राहत एजेन्सीहरूले मृत्यु हुनेमा हजारौँ बालबालिका पनि रहेको बताएका छन् ।

अक्टोबर ७ मा हमासले इजरायलमा आक्रमण गरेको थियो जसमा १ हजार ४०० भन्दा बढी व्यक्तिको मृत्यु भएको थियो । यस हमलामा हमास लडाकुहरूले २०० भन्दा बढी व्यक्तिलाई अपहरण गरेर गाजामा लगेका छन् । जसमा एकजना नेपाली समेत छन् ।