किसानलाई दूधको भुक्तानी तत्काल गर्नुपर्छ : सांसद तिमिल्सिना

काठमाडौं। सत्तासाझेदार दल नेपाली कांग्रेसका सांसद देवप्रसाद तिमिल्सिनाले सांसददेखि राष्ट्रपतिसम्मको तलब काटेर भए पनि किसानलाई दूधको मूल्य भुक्तानी गर्नुपर्ने बताएका छन् ।

बिहीबार प्रतिनिधिसभा बैठकमा उनले दूधको भुक्तानी तत्काल गर्न सरकारसँग माग गरेका छन्। किसानलाई भुक्तानी नदिने र दूध पनि नकिन्ने अवस्थाको अन्त्य गर्न उनले माग गरे ।