अभिनेता अनमोल केसी रिहा

काठमाडौं । अभिनेता अनमोल केसी हिरासतमुक्त भएका छन् । केसीलाई खोजेको बेला उपस्थित हुने गरी प्रहरीले अभिभावकको जिम्मा लगाएको हो ।

जिल्ला अदालत काठमाडौंले ३ दिन हिरासतमा राख्न अनुमति दिएपनि हिरासतमा राख्नुपर्ने अवस्था नदेखिएकाले रिहा गरेको प्रहरीले जनाएको छ ।

फिल्म ‘रावायण’को आर्थिक लेनदेन विवादमा निर्मात्री सुप्रिया कटुवालले अनमोलविरुद्ध उजुरी दिएकी थिइन् । प्रहरीले उनलाई शुक्रबार बेलुका साँगाबाट पक्राउ गरेको थियो ।