विश्वकप एसिया छनोट : सेमिफाइनलमा नेपालले थाइल्यान्डसँग प्रतिस्पर्धा गर्ने

काठमाडौं । नेपालले आईसीसी महिला टी–ट्वान्टी विश्वकप एसिया छनोटको सेमिफाइनलमा थाइल्यान्डसँग प्रतिस्पर्धा गर्ने भएको छ । थाइल्याण्ड समुह बीको विजेता हुँदै नेपालसँगको भेट पक्का गरेको हो । नेपाल भने सुमह ए को उपविजेता हुँदै अन्तिम चारमा प्रवेश गरेको थियो ।

यूएईविरुद्धको खेल वर्षाका कारण रद्द भएपछि नेपालले समूह विजेता बन्ने अवसर गुमाएको हो । नेपाल र यूएईको पाँच खेलबाट समान नौ अंक भएपनि नेट रन रेटमा अघि रहँदै यूएई समूह विजेता बनेको हो ।

नेपालले समूहका अन्य खेलमा मलेसियालाई ५ रनले पराजित गरेको थियो । बहाराइनलाइ १०, भुटानलाइ ३ र कतारलाइ ९ विकेटले पराजित गरेको थियो ।