काठमाडौं । प्रधानमन्त्री पुष्पकमल दाहालले सरकारले राम्रो काम गरिरहेको भन्दै सत्ता टिकाउनका लागि सम्झौता नगरेको बताएका छन् । सुर्खेतमा भएको समाजवादी मोर्चाको सन्देशसभामा बोल्दै प्रधानमन्त्री दाहालले सरकार गठनको ८ महिनासम्म राम्रो काम गरिरहेको बताएका हुन् ।
आफूलाई व्यक्तिगत स्वार्थ केही पनि नरहेको भन्दै उनले सरकार कतिसम्म चल्छ भन्ने चिन्ता नरहेको समेत बताए । उनले भने,‘सरकार टिकाउन यस्तो गर्यो र उस्तो गर्यो भन्छन् त्यो वाहियात हो, उनले भने,‘राम्रो काम गर्छु । जनताले हेरिरहेका छन्, राम्रो काम गर्दागर्दै कसले हटाउँदो रहेछ हेर्छु ।’
सरकारले भ्रष्टाचारविरुद्ध चालेको कदम नरोकिने र पक्षपात नहुने प्रधानमन्त्री दाहालको भनाइ छ । सीआईबीलाई अनुसन्धान गर्दै जाँदा बाटोमा प्रचण्ड देखिन्छ भने पनि नछोड्न भनेको उनको दाबी छ ।
प्रतिक्रिया