करोडौं खर्चेर विश्वभरीबाट प्रतिभाशालीहरू भित्राउँदै चीन

बेइजिङ । चीन आफैंलाई महाशक्ति बनाउन लागिपरेको छ । हरेक क्षेत्रमा आफूलाई अगाडि राख्ने उनको लक्ष्य छ, जसका कारण यतिबेला उसले संसारलाई चकित पार्ने काम गरिरहेका छन् । वास्तवमा चीनले अमेरिका लगायत विश्वभरका उत्कृष्ट प्रतिभालाई यहाँ ल्याइ रहेको छ । यसका लागि विभिन्न कार्यक्रम सञ्चालन भइरहेको छ । जागिरका साथै ठुलो पारिश्रमिक, घर किन्नको लागि अनुदान र रोजगारीका लागि सम्झौता गर्दा बोनस पाउने गरेका छन् ।

वास्तवमा यसअघि चीनमा  ‘हजार प्रतिभा कार्यक्रम’ चलिरहेको थियो। यसमार्फत चीन सरकारले विज्ञान र प्रविधिको क्षेत्रमा काम गर्न सक्ने गरी विश्वभरका शिक्षित व्यक्तिलाई भर्ना गरिरहेको थियो । यस कार्यक्रमको नाम अब ‘क्विमिङ’मा परिवर्तन गरिएको छ। वास्तवमा चीन प्राविधिक क्षेत्रमा आफ्नो साम्राज्य स्थापित गर्न चाहन्छ । अर्धचालक एक क्षेत्र हो, जहाँ यो हाल पछि छ। यस क्षेत्रमा अगाडि बढ्न क्विमिङ कार्यक्रम तीव्र रुपमा अघि बढिरहेको छ ।

साउथ चाइना मर्निङ पोष्टको समाचार अनुसार यस नयाँ रोजगार कार्यक्रम मार्फत नियुक्ति हुनेहरुले चीनमा घर खरिदमा अनुदान प्राप्त गरिरहेका छन् । यति मात्र होइन, रोजगारीमा हस्ताक्षर गरे लगत्तै तीनदेखि पाँच करोड रुपैयाँसम्म बोनस पनि दिइने गरेको छ । यसबाहेक उनीहरूलाइ लाखौं रुपैयाँ तलब दिइँदै आएको छ । सामान्यतया क्विमिंग को रूपमा नियुक्त व्यक्तिहरू शीर्ष वैज्ञानिकहरू, पीएचडी धारकहरू, अनुसन्धानकर्ताहरू हुन् ।

वास्तवमा राष्ट्रपति सी जिनपिङ चीनलाई अर्धचालकको क्षेत्रमा आत्मनिर्भर बनाउन चाहन्छन्। चीनको उद्योग तथा सूचना प्रविधि मन्त्रालयले क्विमिङ कार्यक्रमको निरीक्षण गरिरहेको छ। कर्मचारी नियुक्तिका लागि अनलाइन विज्ञापन चलिरहेको छ ।चीनले यस कार्यक्रमको बारेमा आधिकारिक रूपमा मुख खोलेको छैन। यसबाहेक सरकारको वेवसाइटमा समेत यसको बारेमा कुनै जानकारी छैन । क्विमिङ मार्फत वैज्ञानिक र प्रविधि क्षेत्रबाट व्यक्ति नियुक्त भइरहेका छन् । यस्तो अवस्थामा चीनले ठूलो काम गर्ने योजना बनाएको छ कि छैन भन्ने चिन्ता अमेरिकालगायत देशलाइ बढिरहेको छ ।