महिला विश्वकप : आज जर्मनी, अर्जेन्टिना र ब्राजिलका खेल

काठमाडाैं । फिफा महिला विश्वकप फुटबलमा आज पनि ३ वटा खेल हुने भएका छन् । जारी विश्वकप न्युजिल्याण्ड र अस्ट्रेलियामा भइरहेको छ ।  आजका दुई खेल अस्ट्रेलिया र एक खेल न्युजिल्याण्डमा हुने छ ।

विहान पौने १२ बजे इटाली र अर्जेन्टिना आमने सामने हुने छन् । यो समूह जीमा रहेका दुवै टिम जितका साथ प्रतियोगिता सुरु गर्ने लक्ष्यमा हुने छन् । यो खेल न्युजिल्याण्डमा हुने छ । यो समूहमा स्वीडन स्पष्ट जितका साथ शीर्ष स्थानमा रहेको छ ।

यस्तै, आजै दिउँसो जर्मनी र मोरक्को आमने सामने हुने छन् । समूह एचमा दुवै टिम जितका साथ प्रतियोगिताको यात्रा तय गर्ने लक्ष्यमा हुने छन् । यो खेल नेपाली समय अनुसार दिउँसो सवा २ बजे सुरु हुने छ । यो समूहमा कोलम्बिया र दक्षिण कोरिया पनि रहेका छन् ।

यस्तै, आजै पौने ५ बजे ब्राजिल र पानामा आमने सामने हुने छन् । समूह एफमा यी दुवै टिमले सुखद् सुरुआत गर्ने लक्ष्यका साथ मैदान उत्रने छन् । यही समूहमा रहेका फ्रान्स र जमैकाले भने गोलरहित बराबरी खेल्दै अंक बाँडेका छन् ।