काठमाडौं । उपप्रधानमन्त्री तथा गृहमन्त्री नारायणकाजी श्रेष्ठ र काठमाडौं महानगरपालिकाका मेयर बालेन शाहबीच भेट भएको छ । उपप्रधानमन्त्री श्रेष्ठका अनुसार शनिबार खानासहितको छलफल भएको हो ।
उपप्रधानमन्त्री श्रेष्ठले मेयर शाहसँग देश र जनताका मुद्दाहरूमा छलफल भएको बताएका छन् । उनले ट्वीट गरेका छन्, ‘हिजो काठमाडौं महानगरपालिकाका प्रमुख वालेन शाहसँग साथै खाना खाँदै देश र जनताका मुद्दाहरूमा महत्वपूर्ण छलफल भयो । उहाँको टीमका केही प्रतिभाशाली साथीहरू पनि सहभागी हुनुहुन्थ्यो । छलफललाई निरन्तरता दिने समझदारी बनेको छ । देश र जनताका पक्षमा मिलेर परिणाममुखी काम गर्ने हाम्रो समान सोच रह्यो ।’
हिजो काठमाडौं महानगरपालिकाका प्रमुख वालेन शाहसँग साथै खाना खादै देश र जनताका मुध्दाहरुमा महत्वपुर्ण छलफल भयो।उहाँको टीमका केही प्रतिभाशाली साथीहरु पनि सहभागी हुनुहुन्थ्यो।छलफललाई निरन्तरता दिने समझदारी बनेको छ।देश र जनताका पक्षमा मिलेर परिणाममुखी काम गर्ने हाम्रो समान सोच रह्यो ।
यता माओवादी केन्द्रकै युवा नेता रामप्रसाद सापकोटा दीपशिखाले भने पार्टीभित्रै बालेनजस्ता युवाहरु रहेको भन्दै तिनलाई स्थापित गर्न सुझाव दिएका छन् । उनले नारायणकाजीलाई बाबुरामलाई जस्तै आफूबाहेक माओवादी केही होइन भन्ने नलागोस भन्ने चेतावनी दिएका छन् ।
उनले लेखेका छन्,‘राम्रो काम गरेर वाहावाही हुनुभएको छ । बाबुरामलाई जस्तै आफु बाहेक माओवादी केहि होईन भन्ने नलागोस् । पार्टी पनि सॅगसॅगै बनाउन लाग्नुहोस् । शुभकामना । बालेनहरू पार्टीभित्रै र बाहिर पनि छन् । तिनलाई बालेनका रूपमा स्थापित गर्नुहोस । बालेनसॅग खाना खानुभएछ खुशि लाग्यो, पार्टीभित्रका युवाहरूसॅग बसेर कहिलेकॅहि कालो चिया खानुहोस् । युवाहरू खुश हुन्छन् ।’
प्रतिक्रिया