काठमाडौं । एकदीवसीय विश्वकप छनौट खेलमा नेपाल नेदरल्याण्डसँग ७ विकेटले पराजित भएको छ ।
समुह चरणको चौथो खेलमा नेदरल्याण्डसँग पराजित भएसँगै नेपाल छनोट खेलबाट बाहिरिएको हो । टस हारेर व्याटिङको निम्तो पाएको नेपाल ४४ दशमलव ३ ओभरमा अलआउट हुँदै १६८ लक्ष्य दिएको थियो । जवाफी व्याटिङका लागि मैदान छिरेको नेदरल्याण्डले १३७ रन बाँकी छँदै २७ दशमलव १ ओभरमा लक्ष्य भेटाएको हो ।
नेपालका लागि सन्दीप लामिछानेले २ विकेट लिए भने गुल्सन झाले १ विकेट लिए । नेपालका लागि कप्तान रोहित पौडेलले सर्वाधिक ३३ रन बनाए । सन्दीप लामिछाने र कुशल भुर्तेलले समान २७ रन बनाए भने भीम सार्की २२ रनमै आउट भए ।
नेदरल्याण्डसँग पराजित भएसँगै नेपाल छनोट प्रतियोगिताबाटै बाहिरिएको छ । समुह चरणको पहिलो खेलमा जिम्बाब्बेसँग ६ विकेटले पराजित भएको नेपालले दोस्रो खेलमा भने अमेरिकालाई पराजित गरेको थियो । तेस्रो खेलमा वेष्ट इन्डिजसँग १०१ रनको फराकिलो अन्तरले पराजित भएको नेपाल चौथो खेलमा नेदरल्याण्डसँग पराजित भएको हो ।
प्रतिक्रिया