एपीएफ क्लव पहिलोपटक रेलिगेशनमा, थ्रीस्टारको जोगियो

काठमाडौं । जावलाखेल युथ क्लवमाथि १–० को रोमाञ्चक जित निकालेपछि थ्रीस्टार क्लब रेलिगेसनबाट जोगिएको छ ।

त्रिपुरेश्वरस्थित दशरथ रंगशालामा सिजनको अन्तिम खेलमा थ्रीस्टारले जावलखेलमाथि संघर्षपूर्ण जित निकालेको हो । जीतपछि थ्रीस्टारले ए डिभिजनमै आफ्नो स्थान सुरक्षित गरेको हो ।

थ्रीस्टार २६ खेलमा ३२ अंक जोड्दै नवौं स्थानमा उक्लिएको छ । थ्री स्टारको जितले विभागीय टोली एपीएफ क्लब भने रेलिगेसनमा परेको छ । २०६२ सालबाट ए डिभिजन लिग खेलिरहेको एपीएफ पहिलो पटक बी डिभिजनमा घटुवा भएको हो ।