टोपबहादुर खोज्न प्रहरी सक्रिय, संसद सचिवालयको सीसीटीभी फुटेज सिआइवीले लग्यो

काठमाडौं । प्रहरीले संघीय संसद सचिवालयको सीसीटीभी फुटेज लगेको छ ।

नक्कली भुटानी शरणार्थी प्रकरणमा फारर रहेका एमाले सचिव तथा सांसद टोपबहादुर रायमाझीको खोजीमा सहयोगी बन्नसक्ने फुटेज प्रहरीको केन्द्रीय अनुसन्धान ब्यूरो (सीआईबी)ले संसद्‍ सचिवालयबाट लगेको हो ।

रायमाझीको बिरामी बिदाको आवेदन बोकेर आउने व्यक्तिको पहिचान गर्नका लागि प्रहरीले संसद सचिवालयको सीसीटीभी फुटेज लगेको हो ।

ुमंगलबार बिहान १० बजेदेखि ५ बजेसम्म संसद्‍ सचिवालयका चार वटा सीसीटीभी क्यामेराको फुटेज लगिएको संसद सचिवालयले जनाएको छ ।

मंगलबार रायमाझीले आफू बिरामी रहेको भन्दै संसद्‍ सचिवालयमा चिठ्ठी पठाएका थिए । एमालेका रायमाझी अझै फरार छन् ।