नेपाल र यूएईबीचको फाइनल खेल पुन: सुरु

काठमाडाैं । नेपाल र यूएईबीचको फाइनल खेल आज पुनः सुरु भएको छ । एसीसी प्रिमियर कप क्रिकेटको सोमबारको खेल वर्षाका कारण रोकिन पुगे पछि  बाँकी खेल आज सुरु भएको हो  ।

त्रिभुवन विश्वविद्यालय क्रिकेट मैदानमा जारी खेलमा यूएईले २७.३ ओभरमा ९ विकेट गुमाएर १०६ रन बनाइरहेको बेला वर्षाका कारण रोकिन पुगेको थियो ।

नेपालले आक्रमक खेल खेलिरहेको बेला १६ ओभरको समाप्तिमा युएई ६० रन जोडेर ५ विकेट लिए पछि पहिलो पटक वर्षाको कारण रोकिन पुगेको खेल पुनः सुरु गरिएको थियो ।

तर, दोस्रो पटक पनि पुन: वर्षा सुरु भएपछि केही समयका लागि रोकिएको खेल ३ः३० बजेसम्म पनि वर्षा नराेकिएपछि खेल आजसम्मका लागि स्थगित हुन पुगेकाे थियाे ।