विश्वरेकर्ड बनाएपछि सन्दिपले के भने ?

काठमाडौं । सन्दीप लामिछानेले ओडिआई क्रिकेटमा सबैभन्दा छिटो १०० विकेट लिने कीर्तिमान बनाएपछि आफ्नो प्रतिक्रिया दिएका छन् ।

एसीसी प्रिमियर कपअन्तर्गत ओमान विरुद्धको खेलमा सन्दीपले विकेट लिएपछि ४२ खेलमै १०० विकेट लिएर कीर्तिमान बनाएका थिए ।

अफगान बलर रासिद खानको विश्वरेकर्ड तोडेपछि लामिछानेले सामाजिक सञ्जाल फेसबुकमार्फत किर्तीमानी कायम गर्न पाउँदा गर्व लागेको बताएका छन् ।

रेकर्डहरु भनेको नै तोड्नको लागि भएको भन्दै उनले ओडिआई क्रिकेटमा सबैभन्दा छिटो १०० विकेट लिन पाएकोमा उपलब्धि आफ्नो करियरभर शक्तिको स्तम्भ बनेका परिवार, प्रशंसक, सहकर्मी खेलाडीहरु र कोचको निरन्तर र अटल समर्थनकै कारण सम्भव रहेको भनेका छन् ।