प्रधानमन्त्री प्रचण्ड र ओलीबीच भेटघाट सकियो,

काठमाडौँ । नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटघाट सकिएको छ । प्रधानमन्त्री निवास बालुवाटारमा प्रचण्ड ओलीबीच डेढ घण्टा छलफल भएको हो ।

प्रधानमन्त्री प्रचण्ड र अध्यक्ष ओली राष्ट्रपतिका विषयमा आ–आफ्नै अडानमा रहेको बुझिएको छ । प्रचण्ड र ओलीबीच राष्ट्रपतिका विषयमा सझदारी बन्न नसकेपछि दुबै जना छुट्टिएका छन् । तर, प्रधानमन्त्री प्रचण्डका प्रेस विज्ञ मनहरि तिमिल्सेनाले प्रधानमन्त्री प्रचण्ड र ओलीबीच राष्ट्रपतिका विषयमा के के छलफल भयो भन्ने विषयमा जानकारी नभएको बताए । प्रधानमन्त्री प्रचण्ड र ओलीबीच सौहार्दपूर्ण रुपमा छलफल भएको तिमिल्सेनाले बताए ।