बार्सिलोनाको स्पेनिस ला लिगामा साँघुरो जित

काठमाडौं । पेड्रीको निर्णायक गोलमा बार्सिलोनाले स्पेनिस ला लिगामा साँघुरो जित हासिल गरेको छ । शनिबार राति भएको खेलमा बार्सिलोनाले जिरोनालाई १–० गोल अन्तरले हराएको हो ।

जितसँगै शीर्ष स्थानको बार्साले रियल मड्रिडसँगको अंक दूरी ६ अंकमा पुर्‍याएको छ । खेलको ६१औं मिनेटमा जोडि अल्बाको पासमा पेड्रीले निर्णायक गोल गरेका हुन् । जोडी अल्बाले बार्सिलोनाका लागि सबै प्रतियोगितामा १ सयौँ खेल खेलेका थिए ।

मुख्य फरवार्ड रोबर्टो लेवानडोस्की र फेरान टोरेस बिनै मैदान उत्रेको बार्साको आक्रमण क्षेत्र केही कमजोर देखिएको थियो । यो जितले बार्सिलोनाले लिगका नौँ खेलमा अपराजित यात्रा कायक राखेको छ ।