काठमाडौं । म्यानचेस्टर युनाईटेडले काराबाओ कप फुटबल अन्तर्गत सेमिफाइनलको पहिलो लेगमा सहज जित निकालेको छ । बुधबार राति भएको खेलमा युनाईटेडले नटिङघम फरेस्टलाई ३-० गोल अन्तरले हराएको हो ।
युनाईटेडको जितमा मार्कुस रासफोर्ड,वाउट वेगहर्स्ट र ब्रुनो फर्नान्डेसले एक/एक गोल गरे ।
खेलको छैटौं मिनेटमा रासफोर्डले गोल गर्दै युनाईटेडलाई सुरूआती अग्रता दिलाएका थिए ।
४५ औं मिनेटमा वेगहर्स्टले गोल गर्दा युनाईटेड पहिलो हाफमा २-० ले अघि रह्यो।
त्यसपछि खेलको ८९ औं मिनेटमा ब्रुनोले गोल गर्दै युनाईटेडलाई ३=० को स्पष्ट जित दिलाए।
दुई टोलीबीचको दोस्रो लेग आगामी बुधबार राति हुनेछ।
प्रतिक्रिया