काठमाडौं । राधी विद्युत कम्पनीको १४७ प्रतिशत हकप्रद सेयर दाबी गर्नका लागि सेयरधनी बन्ने १० भदौ अन्तिम दिन रहेको छ । कम्पनीले जारी गर्न लागेको हकप्रद सेयरका लागि १२ भदौमा बुक क्लोज गर्दैछ । अर्थात ११ भदौसम्म कायम सेयरधनीले हकप्रदमा आवेदन दिन सकिने भए पनि ११ भदौ शनिबार परेका सेयर कारोबार हुँदैन ।
यसर्थ, आज १० भदौसम्म सेयर खरिद गर्नेले मात्र राधीको हकप्रद दाबी गर्न सक्नेछन् । यस कम्पनीले ९५ करोड ३५ लाख ७६ हजार ९०० रुपैयाँ बराबरको ९५ लाख ३५ हजार ७६०.९९ कित्ता हकप्रद सेयर जारी गर्नेछ ।
यसमा बिक्री प्रबन्धकको काम मुक्तिनाथ क्यापिटलले गर्नेछ । हाल राधीको चुक्ता पुँजी ६४ करोड ६४ लाख रुपैयाँ भन्दा बढी रहेको छ । हकप्रद बिक्रीपछि पुँजी करिब १ अर्ब ६० करोड रुपैयाँ पुग्नेछ ।
प्रतिक्रिया