काठमाडौं । लायन्स क्लब अफ केटिएम रोज र लायन्स क्लब अफ केटिएम ड्रीम सिटीको अयोजनामा नेशनल एकेडेमी हाई स्कूल शंखमुलमा वृक्षारोपण कार्यक्रम सम्पन्न भएको छ । लायन्स क्लब अफ केटिएम रोजको अध्यक्ष तथा नेशनल एकेडेमी हाई स्कूलकी प्रिन्सिपल मोहना मोथे खनालको नेतृत्वमा उक्त वृक्षारोपण कार्यक्रम सम्पन्न भएको हो ।
बढ्दो वातावरण प्रदुषणको बीच आफ्नै स्कूलको आँगनमा फलफुलको विरुवा राेपेर प्रकृतिको संरक्षण गर्नुपर्छ भन्ने सन्देश दिन पाउँदा आफूलाई निकै खुसी लागेको मोहनाले बताइन् । कार्यक्रममा विभाग प्रमुख लक्ष्मण तिमिल्सिना, जिल्ला मार्केटिङ प्रमुख एवम् रोजाका वडा अध्यक्ष सुष्मा कोइराला, एओजी लक्ष्मी तण्डुकार , क्षेत्रीय अध्यक्ष यज्ञराज पौडेल, अञ्चल अध्यक्ष पार्वती कार्की र कल्पना चापागाई , केटीएम ड्रिम सिटीका अध्यक्ष गोपाल राज सापकोटा लगायत ड्रीम सिटी परिवार र केटिएम रोज उपस्थित भएका थिए ।
प्रतिक्रिया