काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले सम्भवत: आजै मन्त्रिपरिषद् पुनर्गठन हुन सक्ने बताएका छन् ।
आइतबार काठमाडौंमा अखिल नेपाल महिला संघको केन्द्रीय कमिटीको बैठक छिटोभन्दा छिटो मन्त्रिपरिषद् पुनर्गठनका लागि प्रधानमन्त्री शेरबहादुर देउवालाई आफूले आग्रह गरेको बताए ।
‘छिटोभन्दा छिटो मन्त्रिपरिषद् पुनर्गठन हुनेछ । सम्भवत आजै पुनर्गठन हुन सक्छ,’ अध्यक्ष नेपालले भने ।
मन्त्रिपरिषद् पुनर्गठनका लागि कतिपय मन्त्रीले आफूलाई राजीनामा बुझाइसकेको बताएका छन् । अन्य मन्त्रीहरुले पनि राजीनामा दिने उनले विश्वास व्यक्त गरे ।
यस्तै, नेपालले आगामी संघ र प्रदेशको निर्वाचनमा पनि गठबन्धनले निरन्तरता पाउने दाबी गरे । गठबन्धनको आवश्यकता अझै नसकिएको भन्दै आगामी निर्वाचनमा पनि गठबन्धनले निरन्तरता पाउने उनले बताए ।
प्रतिक्रिया