अजरवैजान र काजखस्तानको जित

काठमाडौं । यूइएफए नेसन्स लिग फुटबल अन्तर्गत सोमबार राति भएका फरक खेलमा अजरवैजान र काजखस्तानले जित निकालेका छन् ।

घरेलु टोली अजरवैजानले वेलारुसलाई २–० अन्तरले पराजित गरेको हो । उसको जितमा महिर इम्रेली र रमिल सेयदेभले एक एक गोल गरे ।

यस्तै, अर्को खेलमा काजखस्तानले स्लोभाकियालाई २–१ अन्तरले पराजित गर्दै शीर्षस्थानमा रहेको छ ।

काजखस्तानको जितमा यान भोरोगोभ्स्की र इलखान एस्टानोभले एक एक गोल गरे । १० खेलाडीमा सिमित रहेका स्लोभाकियाको लागि माटुस वेरोले सान्त्वना गोल गरे ।

खेलसँगै काजखस्तान ४ खेलबाट १० अंक जोड्दै शीर्षस्थानमा छ । स्लोभाकिया ६ अंक सहित दोस्रो स्थान र अजरवैजान ४ अंक सहित तेस्रो स्थानमा छ । यता, वेलारुस २ अंक सहित पुछारमा छ ।