काठमाडौं । आइतबार पोखराबाट जोमसोमका लागि उडेको तारा एयरको विमान दुर्घटना हुँदा विमानमा सवार चालक दलका सदस्यसहित २२ जनाको मृत्यु भएको छ ।
नेपाली सेनाले हिजोदेखी खोजी जारी राखेपनि आज बिहान बल्ल मुस्ताङको थासाङ गाउँपालिका–२ मा दुर्घटनाग्रस्त अवस्थामा जाहाज फेला पारेको हो ।
मृत्यु हुनेमा एकै परिवारका सात जना सदस्य रहेको पुष्टि भएको छ । धनुषाको मिथिला नगरपालिका–११ का एकै परिवारका सात जनाको मृत्यु भएको हो ।
मृत्यु हुनेमा राजनकुमार गोले, उनका बुबा इन्द्रबहादुर गोले, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङ रहेका छन् ।
उनीहरु मुक्तिनाथ दर्शनका लागि जोमसोम जाँदै थिए ।
प्रतिक्रिया