काठमाडौं । नेकपा एमालेका नेता भिम रावलको वडा अछामको साँफेबगर ६ भागेश्वरमा स्वतन्त्र उम्मेदवार विजयी भएका छन् । यो वडामा दुई सय २६ मत ल्याएर मीनबहादुर बोहरा विजयी भएका हुन् । उनका निकटम प्रतिद्वन्दी एमालेका दुधकला विष्टले पनि दुई सय २६ मत नै ल्याएकी थिइन् ।
दुवै उम्मेदवारबीच समान मत आएपछि गोलाप्रथाबाट बोहराले वडाध्यक्ष हुने अवसर पाएका हुन् । वडाध्यक्षमा विजयी बोहराले पार्टीले टिकट नदिएको भन्दै एमालेबाट बिद्रोह गरेर स्वतन्त्र रुपमा उम्मेदवारी दिएका थिए ।
उनलाई एमालेले कारबाही समेत गरेको थियो । तर उनै बोहराले वडाध्यक्ष जितेपछि भने भीम रावललाई आफ्नै गाउँबाट चुनौति थपिएको छ । लामो समय कार्यकताकोबीचमा रहेर काम गर्दापनि पार्टीले नपत्याएपछि आफु स्वतन्त्र रुपमा उम्मेदवार बनेको र मतदाताले आफुलाई न्याय गरेको भन्दै बोहराले खुसी व्यक्त गरे ।
प्रतिक्रिया