काठमाडौं । प्रधानमन्त्री वालेन्द्र (बालेन) शाहले रसुवाको भोटेकोसी नदीमा आएको बाढीबाट उत्पन्न संकटबारे सुरक्षा निकायका प्रमुखहरूसँग छलफल थालेका छन् ।
प्रधानमन्त्री शाहले सोमबार प्रधानसेनापति अशोकराज सिग्देलसँग हालसम्म भएका खोज, उद्धार, राहत तथा व्यवस्थापनका कामबारे ब्रिफिङ लिएका छन् ।
प्रधानमन्त्रीको सचिवालयका अनुसार शाहले केहीबेरमा सशस्त्र प्रहरी बल, नेपालका महानिरीक्षक नारायणदत्त पौडेलसँग पनि बाढीपछिको अवस्थाबारे जानकारी लिनेछन् ।
त्यसैगरी, उनले आजै नेपाल प्रहरीका महानिरीक्षक दानबहादुर कार्कीसँग पनि ब्रिफिङ लिने कार्यक्रम रहेको सचिवालयले जनाएको छ ।
बाढीबाट प्रभावित क्षेत्रमा खोज तथा उद्धार, राहत वितरण र जोखिम व्यवस्थापनका लागि भइरहेको सुरक्षा निकायको परिचालन तथा आगामी रणनीतिबारे प्रधानमन्त्रीले जानकारी लिइरहेका छन् ।
प्रतिक्रिया