काठमाडाैं । गिनीको राजधानी कोनाक्रीमा आइतबार बिहानै भारी वर्षापछि ‘ल्यान्डफिल’को फोहोरको थुप्रो छिमेकी घरहरूमाथि ढल्दा कैयौँ व्यक्तिको मृत्यु भएको प्रत्यक्षदर्शी र जिल्ला प्रमुखले एएफपीलाई बताएका छन् ।
मृत्युको एकीन सङ्ख्या दिइएको छैन । घटना भएको दार–ए–सलाम उपनगरका प्रमुख लान्सिने सिल्लाले ठूलो सङ्ख्यामा मृत्यु भएको हुनसक्ने आशङ्का व्यक्त गरे ।
घटनास्थलमा पुगेकी गिनीकी क्षेत्रीय प्रशासन मन्त्री जेनाबु टौरेले खोज तथा उद्धार अभियान सकिएपछि आधिकारिक सङ्ख्या दिने बताए ।
सरकारले हालैका दिनहरूमा ढल्ने खतराका कारण त्यहाँबाट मानिसहरूलाई सर्न र सुरक्षा उपाय अपनाउन आदेश दिएको थियो ।
प्रतिक्रिया