नयाँदिल्लीलगायतका उत्तरी क्षेत्रमा तापक्रमको नयाँ रेकर्ड, गर्मी एक सातासम्म जारी रहने

एजेन्सी । भारतको राजधानी नयाँ दिल्लीलगायत उत्तरी क्षेत्रहरुमा तापक्रमले रेकर्ड तोडेको छ । तापक्रम ४६ डिग्री सेल्सियसभन्दा माथि पुगेको छ ।
भारतको मौसम विज्ञान विभागका विज्ञहरूले देशका केही भागहरूमा बिहीबार र शुक्रबारसम्म अत्यधिक गर्मी रहने र बाहिरी कामदारहरूका लागि प्रमुख चुनौतीहरू खडा गर्ने भविष्यवाणी गरेका छन्।
‘तातो मौसमले हामीलाई धेरै समस्यामा पारेको छ। साँझमा पनि ४२ वा ४३ डिग्री सेल्सियस हुने गथ्र्यो, र मंगलबार तापक्रम ४६ डिग्री पुगेको थियो। कामदारहरूले घामबाट बच्न आफ्नो टाउको छोप्ने गरेका छन् । सकेसम्म छायामा बस्ने प्रयास गर्छन् र बाहिर बस्ने समय कटौती गर्छन्। सधैं कागती पानी बोक्छौं र स्वस्थ रहन प्रशस्त पिउँछौं, मुश्किलले काम गरिरहन सक्छौं,’ नयाँ दिल्लीका बाहिरी कामदार उमाकान्तले भने।
राजधानी बाहेक, उत्तर प्रदेश र अन्य क्षेत्रहरूमा पनि तीव्र गर्मी भइरहेको छ। उत्तर प्रदेशका केही भागहरूमा बुधबार तापक्रम ४८.२ डिग्री सेल्सियससम्म पुगेको छ, जुन १९५१ पछिको उच्चतम तापक्रम हो।
पूर्वानुमानविद्हरूले भारतको धेरैजसो भागमा कम्तिमा अर्को हप्तासम्म गर्मीको अवस्था जारी रहने अनुमान गरेका छन्। (सीसीटीभीप्लस)