काठमाडौं । चीनको मध्य क्षेत्रमा आर्टिफिसियल इन्टेलिजेन्स (एआई) प्रविधिको प्रयोगले सुँगुर पालन व्यवसायमा क्रान्तिकारी परिवर्तन ल्याइरहेको छ । हेनान प्रान्तको एक छ तले आधुनिक फार्ममा करिब ८४,००० सेन्सरहरू जडान गरिएका छन्, जसले सुँगुरहरूको स्वास्थ्य र विकासको निरन्तर अनुगमन गर्छन् ।
यो प्रविधिले वार्षिक १ लाख पाठाहरूको उत्पादन र करिब २१ लाख सुँगुरहरूलाई बजारका लागि तयार पार्ने लक्ष्य राखेको छ । यस एआई प्रणालीले फार्मभित्रको तापक्रम, आद्र्रता र दानाको मात्रालाई स्वचालित रूपमा नियन्त्रण गर्दछ । स्वास्थ्य समस्याको पहिचान गर्ने र प्रत्येक सुँगुरको वृद्धिदर विश्लेषण गर्ने क्षमता यस प्रणालीमा रहेको छ ।
कृषकहरूले मोबाइल एपको माध्यमबाटै फार्मको सम्पूर्ण तथ्याङ्क हेर्न र मेसिनहरूलाई निर्देशन दिन सक्छन । जसले गर्दा परम्परागत खेती प्रणालीको तुलनामा श्रम र समयको ठूलो बचत भएको छ ।
तथ्याङ्कअनुसार चीनमा हरेक वर्ष ७० करोडभन्दा बढी सुँगुरहरू मासुका लागि खपत हुने गर्छन् । यस्तो विशाल मागलाई पूरा गर्न र उत्पादनको गुणस्तर सुनिश्चित गर्न चीनले पछिल्लो समय स्मार्ट फार्महरूमा जोड दिइरहेको छ । प्रविधिको यो प्रयोगले कृषि क्षेत्रलाई आधुनिक र औद्योगिक रूप दिँदै उत्पादन क्षमतामा उल्लेख्य वृद्धि ल्याएको छ । सीसीटीभी
प्रतिक्रिया