सुर्खेत । राष्ट्रियसभा निर्वाचनमा मतदान शुरु भएको छ । राष्ट्रियसभामा रिक्त हुने १९ सदस्यका लागि आज निर्वाचन हुँदैछ ।
कर्णालीबाट रिक्त हुने दुई पदका लागि तीन दलका पाँच जना उम्मेदवार चुनावी मैदानमा छन् । प्रदेश निर्वाचन निर्वाचन कार्यालयमा स्थापना गरिएको मतदान केन्द्रमा भएको मतदानमा कर्णाली प्रदेशका मुख्यमन्त्री यामलाल कँडेलले पहिलो मतदान गरेका छन् ।
कर्णालीमा रिक्त हुने दुई पदका लागि चार जना चुनावी प्रतिस्पर्धामा छन् । कांग्रेस–एमालेको गठबन्धनबाट नेपाली काँग्रेसका ललित शाही र नेकपा एमालेका मिना सिंह रखाल उम्मेदवार छन् । नेकपाल्े दुर्गा शर्मा र अन्नु महतारा शाहीलाई उम्मेदवार बनाएको छ ।
राष्ट्रिय सभा निर्वाचनमा कर्णालीबाट नेकपाले पाउने एक सिट गुमाउने देखिएको छ । एमालेले एक सिट जोगाउन सफल हुने छ भने काँग्रेसले कर्णालीमा एक सिट थप्ने आँकलन गरिएको छ ।
कर्णाली प्रदेशसभा सदस्य र पालिका प्रतिनिधिको मतभारमा कांग्रेस–एमालेको बहुमत छ । दुई दलको कुल मतभार तीन हजार ५८ छ ।
प्रतिक्रिया