सुन र चाँदीको मूल्यमा वृद्धि

काठमाडौं । नेपाली बजारमा सोमबार सुन र चाँदीको मूल्य बढेको छ। नेपाल सुनचाँदी व्यवसायी महासंघका अनुसार छापावाल सुनको मूल्य तोलामा २ हजार ५ सय रुपैयाँले बढेर २ लाख ६५ हजार रुपैयाँ कायम भएको छ। आइतबार छापावाल सुनको मूल्य तोलामा २ लाख ६२ हजार ५ सय रुपैयाँ थियो।

यसैगरी चाँदीको मूल्य पनि बढेको छ। आइतबार तोलामा ४ हजार ५ सय रुपैयाँमा कारोबार भएको चाँदी सोमबार १८५ रुपैयाँले बढेर ४ हजार ६ सय ८५ रुपैयाँमा कारोबार भइरहेको महासंघले जनाएको छ।