चितवन। पूर्वी चितवनमा प्रहरीले आठ जनालाई जुवा खेलिरहेको अवस्थामा पक्राउ गरेको छ, जसमा स्थानीय वडाध्यक्ष पनि समावेश छन्। पक्राउ शनिवार कालिका नगरपालिका–६, लालचोकबाट गरिएको हो।
पक्राउ परेकामध्ये रत्ननगर नगरपालिका–१२ का वडाध्यक्ष सुन्दरमणि सुवेदी रहेका छन्। अन्य सातजना पक्राउ परेकामा ६० वर्षीय ठाकुरप्रसाद भट्ट, ५६ वर्षीय झलक अमगाईं, ५४ वर्षीय सन्तोष लामा, ६६ वर्षीय मोहन दंगाल, ५५ वर्षीय रामकुमार दंगाल, ४९ वर्षीय आशबहादुर गुरुङ र ४८ वर्षीय शिवबहादुर अमगाईं छन्।
उनीहरूबाट ७१ हजार रुपैयाँ नगद र तास बरामद भएको छ। रत्ननगर प्रहरी कार्यालय टाँडीका प्रहरी नायब उपरीक्षक सुवास भट्टका अनुसार, पक्राउ परेकामाथि जुवा ऐन अनुसार अनुसन्धान जारी छ।
प्रतिक्रिया