काठमाडौं । ‘जेनजी’ आन्दोलनपछि काठमाडौं महानगरपालिकाका मेयर बालेन्द्र शाह (बालेन) पहिलोपटक सार्वजनिक कार्यक्रममा सहभागी भएका छन्।
शुक्रबार मेयर शाह महानगरको वडा नम्बर ८, जयबागेश्वरीस्थित गायत्री मार्गमा रहेको ब्रह्माको मन्दिरको उद्घाटन कार्यक्रममा सहभागी भएका हुन्।
सन् २०८१ सालमा शिलान्यास र जगपूजा गरिएको मन्दिरको पुनर्निर्माण सम्पन्न भएपछि मन्दिर उद्घाटन गरिएको हो।
भदौ २३ र २४ गते ‘जेनजी’ आन्दोलनपछि मेयर शाह कुनै पनि सार्वजनिक कार्यक्रममा देखिएका थिएनन्।
उद्घाटन कार्यक्रममा काठमाडौं महानगरकी उपप्रमुख सुनिता डंगोल, सम्पदा तथा पर्यटन समितिका संयोजक एवं वडा नम्बर ८ का अध्यक्ष आशामान संगतलगायतको उपस्थिति रहेको थियो।
प्रतिक्रिया