प्रधानमन्त्री कार्कीद्वारा कूटनीतिक नियोग प्रमुखहरूसँग राजनीतिक विषयमा छलफल

काठमाडौं । प्रधानमन्त्री सुशीला कार्कीले काठमाडौंस्थित कूटनीतिक नियोगका प्रमुखहरूसँग आज दिउँसो छलफल गर्ने भएकी छन्। सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज दिउँसो साढे २ बजेका लागि कूटनीतिक नियोग प्रमुखहरूलाई बोलाइएको प्रधानमन्त्रीको सचिवालयले जनाएको छ।

छलफलमा नेपालको पछिल्लो राजनीतिक अवस्था, जेनजी समूहका माग, आउँदो फागुनमा हुने प्रतिनिधिसभा निर्वाचन र भूकम्पपछिको पुनर्निर्माण प्रक्रिया लगायतका विषयमा प्रधानमन्त्री कार्कीले जानकारी गराउने कार्यक्रम रहेको बताइएको छ।

प्रधानमन्त्री कार्कीको यो छलफललाई हालको राजनीतिक संक्रमणकालीन अवस्थामा अन्तर्राष्ट्रिय समुदायलाई अवगत गराउने प्रयासका रूपमा हेरिएको छ।