एभरेष्ट बैंकको २० प्रतिशत लाभांश घोषणा

काठमाडौं। एभरेष्ट बैंकले २० प्रतिशत लाभांश वितरण गर्ने भएको छ। बैंक सञ्चालक समितिको भदौ १९ गते बसेको बैठकले आर्थिक वर्ष २०८१/८२ को मुनाफाबाट १४ प्रतिशत बोनस सेयर र कर प्रयोजनसहित ६ प्रतिशत नगद लाभांश दिने निर्णय गरेको हो। प्रस्ताव नेपाल राष्ट्र बैंकको स्वीकृति र आगामी वार्षिक साधारणसभाबाट पारित भएपछि मात्र सेयरधनीले लाभांश पाउनेछन्। हाल बैंकको चुक्तापुँजी १२ अर्ब ९४ करोड ४६ लाख ९४ हजार २६८ रुपैयाँ रहेको छ।