Logo

अर्थ

नेपाल आयल निगमले डिजेल, मट्टीतेल र हवाई इन्धनको मूल्य घटायो



काठमाडौं । नेपाल आयल निगमले डिजेल, मट्टीतेल र हवाई इन्धनको मूल्य घटाएको छ। निगमले जनाएको अनुसार सोमबार बिहानदेखि नयाँ मूल्य लागू हुनेछ।

डिजेल र मट्टीतेलको मूल्य प्रतिलिटर चार रुपैयाँले घटाइएको छ। हवाई इन्धन आन्तरिकतर्फ प्रतिलिटर एक रुपैयाँ र अन्तर्राष्ट्रिय उडानका लागि प्रतिलिटर अमेरिकी डलर सातले घटाइएको निगमले जनाएको छ।

यसअघि पेट्रोलको मूल्य काठमाडौँ, पोखरा र दिपायलमा प्रतिलिटर १६१ रुपैयाँ, सुर्खेत र दाङमा १६० रुपैयाँ र विराटनगर, अमलेखगञ्ज, जनकपुर, नेपालगञ्ज, धनगढी र वीरगञ्जमा १५८ रुपैयाँ ५० पैसा कायम रहेको निगमले स्पष्ट गरेको छ।

प्रकाशित मिति : १५ भाद्र २०८२, आइतबार  ८ : ४१ बजे