Logo

खेलकुद

फ्रेन्ड्स क्लबको आर्मीमाथि पाँच गोलको जित



काठमाडौं । एन्फा यू–१६ युथ लिगमा फ्रेन्ड्स क्लबले त्रिभुवन आर्मी क्लबलाई ५–० ले पराजित गरेको छ। आइतबार सातदोबाटोस्थित एन्फा मुख्यालयमा भएको खेलमा फ्रेन्ड्सका सुजन विकले दुई तथा सदानन्द मास्के मगर, सायल परियार र समीप रामैली मगरले एक–एक गोल गरे।

सदानन्दले खेलको २३औँ मिनेटमा पहिलो गोल गरेका थिए भने ३७औँ मिनेटमा सायलले अग्रता दोब्बर बनाए। सुजनले ७६औँ र ८६औँ मिनेटमा लगातार दुई गोल गरेपछि समीपले इन्जुरी समयमा अन्तिम गोल थपे।

जितसँगै फ्रेन्ड्सले १६ खेलमा १० जित, तीन बराबरी र तीन हारसहित ३३ अंक जोडेको छ। सात अंक मात्र जोडेको आर्मी लिगको पुछारमा छ।

प्रकाशित मिति : १५ भाद्र २०८२, आइतबार  ७ : ५७ बजे