काठमाडौं । अब घरजग्गा कारोबार गर्न लाइसेन्स लिनुपर्ने भएको छ। मालपोत नियमावली २०३६ आठौँ संशोधनमार्फत यस्तो व्यवस्था गरिएको हो।
संशोधित नियमावलीमा थपिएको परिच्छेद–६ख अनुसार, एकपटकमा पाँच करोड रुपैयाँसम्मको कारोबार गर्ने व्यक्तिले पाँच लाख रुपैयाँ दस्तुर तिरेर इजाजतपत्र लिनुपर्नेछ। पाँच करोड रुपैयाँभन्दा बढीको कारोबार गर्नेको हकमा इजाजतपत्र दस्तुर १० लाख रुपैयाँ तोकिएको छ।
लाइसेन्सको अवधि सकिनुभन्दा ३५ दिनअघि नवीकरण गरे पाँच करोडसम्म कारोबार गर्नेले चार लाख रुपैयाँ र पाँच करोडभन्दा बढी कारोबार गर्नेले आठ लाख रुपैयाँ बुझाउनुपर्ने व्यवस्था गरिएको छ।
त्यसपछि ३५ दिनभित्र नवीकरण नगरेका व्यक्तिले थप ५० हजार रुपैयाँ जरिवाना तिरेर ९० दिनभित्र नवीकरण गर्न सक्ने प्रावधान राखिएको छ।
प्रतिक्रिया