काठमाडौं । प्रतिनिधिसभाको विधायन व्यवस्थापन समितिले निजामती विधेयकमा निजामती कर्मचारीलाई स्वास्थ्य बिमामा अनिवार्य रूपमा आबद्ध गराउने व्यवस्था गरेको छ।
मूल विधेयकमा निजामती कर्मचारीहरूको योगदानमा आधारित सामाजिक सुरक्षा कोषमार्फत योजना सञ्चालन गर्ने प्रावधान रहेको थियो। प्रतिनिधिसभाले सोही व्यवस्थालाई निरन्तरता दिएको भए पनि समितिले त्यसलाई परिमार्जन गरी स्वास्थ्य बिमामा प्रत्यक्ष आबद्धता सुनिश्चित गर्ने निर्णय गरेको हो।
यसअघि मूल विधेयकमा नेपाल सरकारले निजामती कर्मचारी तथा उनका परिवारका सदस्यलाई औषधोपचारका लागि सामाजिक सुरक्षा कोषसँग आबद्ध गरी योगदानमा आधारित स्वास्थ्य बिमा योजना लागू गर्ने उल्लेख गरिएको थियो।
प्रतिक्रिया