काठमाडौं — मन्त्रिपरिषद्ले विशेष अदालतको अध्यक्षमा सुदर्शनदेव भट्टलाई नियुक्त गर्ने निर्णय गरेको छ। शुक्रबार बिहान बसेको मन्त्रिपरिषद् बैठकले न्याय परिषद्को सिफारिसअनुसार भट्टलाई नियुक्त गरेको हो।
न्याय परिषद्को सिफारिसमा भट्ट उच्च अदालत जनकपुरबाट विशेष अदालतमा सरुवा भएका हुन्। परिषद्ले विशेष अदालतका अध्यक्षका लागि भट्टसहित चार न्यायाधीशलाई सदस्य सिफारिस गरेको थियो। तीमध्ये उच्च अदालत वीरगञ्जका नारायणप्रसाद पौडेल, सुर्खेतका हेमन्त रावल, जुम्लाका डिल्लीरत्न श्रेष्ठ र वीरगञ्जकै उमेश कोइरालालाई सदस्यका लागि सिफारिस गरिएको हो।
यसअघि विशेष अदालतको अध्यक्ष रहेका टेकनारायण कुँवरलाई परिषद्ले उच्च अदालत जनकपुरमा सरुवा सिफारिस गरेको छ।
प्रतिक्रिया