काठमाडौं । सर्लाहीको बागमती नगरपालिकाका प्रमुख भरतकुमार थापा भ्रष्टाचार र गैरकानूनी सम्पत्ति आर्जनसम्बन्धी मुद्दामा दोषी ठहर भएका छन्।
विशेष अदालतको इजलास — अध्यक्ष न्यायाधीश टेकनारायण कुँवर तथा सदस्य न्यायाधीश मुरारीबाबु श्रेष्ठ र विदुर कोइरालाको संयुक्त इजलासले थापासहित तीन जनालाई दोषी ठहर गरेको हो।
अदालतले भ्रष्टाचार मुद्दामा थापासँगै विमलकुमार पोखरेल र सागर पौडेललाई पनि दोषी ठहर गरेको छ भने लिलाकुमारी मोक्तान, विश्वराज पोखरेल र मेथुर चौधरीलाई सफाइ दिएको छ।
थापालाई गैरकानूनी सम्पत्ति आर्जनसम्बन्धी मुद्दामा पनि दोषी ठहर गरिएको विशेष अदालतले जनाएको छ। सजाय तोक्ने सम्बन्धमा अर्को पेशीमा निर्णय गरिनेछ।
प्रतिक्रिया