अभिनेता धर्मेन्द्रले गरे योगको तारिफ, मोदी र रामदेवलाई दिए धन्यवाद

एजेन्सी । भारतीय अभिनेता धर्मेन्द्रले योगले भारतीय सभ्यतामा गहिरो जरा गाडेको उल्लेख गरेका छन् । योगले मान्छेको जीवनमा कसरी सकारात्मक प्रभाव पारेको बताए ।

सन् १९६० मा ‘दिल भी तेरा हम भी तेरे’ फिल्मबाट बलिउडमा अभिनय सुरु गरेका एक्सन हिरो धर्मेन्द्रले योगको परम्परा र यो कसरी व्यक्तिगत र विश्वव्यापी कल्याणको एक महत्त्वपूर्ण भाग बनेको पनि बताए ।

‘शोले’ का अभिनेताले धर्मेन्द्रले योगलाई विश्वव्यापी रूपमा प्रवद्र्धन गरेकोमा प्रधानमन्त्री नरेन्द्र मोदी र योग गुरु बाबा रामदेवलाई धन्यवाद दिए ।

‘मलाई लाग्छ मोदी जीले यो सुरु गर्नुभएको थियो, र त्योभन्दा पहिले रामदेव जीले पनि यसको आन्दोलन सुरु गर्नुभएको थियो। अन्य देशका धेरै मानिसहरूले यसलाई उपयोग गर्न चाहन्थे तर त्यस्तो भएन। यो हाम्रो सभ्यता हो, संस्कृति हो, जुन शताब्दीयौंदेखि चल्दै आएको छ। र यो आवश्यक छ,’ धर्मेन्द्रले भने।

योग केवल व्यायाम मात्र नभइ विभिन्न स्वास्थ्य समस्याहरूको लागि एक शक्तिशाली उपचार भएको उनले उल्लेख गरे ।
‘योगले धेरै रोगहरू निको पार्न सक्छ । यदि तपाईंलाई श्वासप्रश्वासको समस्या छ भने, स्वास्थ्य धन हो भनेर सम्झनुहोस्,’ उनले शारीरिक र मानसिक दुवै स्वास्थ्यमा योगको भूमिकालाई जोड दिँदै थपे।

उमेरले ८० टेकेका उनले हाँस्दै भने,‘धेरै मानिसहरूले मलाई बूढो भन्छन्, तर म अझै जवान छु ।’ लामो समयदेखि पर्दामा शक्ति र जीवनशक्तिसँग सम्बन्धित अभिनेताले फिटनेस र स्वास्थ्यसँगको आफ्नो सम्बन्ध जीवनभरको खोजी भएको बताए ।(एनएनएबी÷एएनआइ)