अनेरास्ववियुको अध्यक्षमा सुजन कडरिया निर्वाचित

काठमाडौं । नेकपा (एमाले)निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)को अध्यक्षमा सुजन कडरिया निर्वाचित भएका छन् ।

प्रतिद्वन्द्वी प्रकाश पौडेललाई सात मतले हराउँदै कडरिया निर्वाचित भएका हुन् । कडरियाले ७३२ मत ल्याए भने पौडेलले ७२५ मत पाए ।

एक हजार ५५१ मतदातामा रहेको अखिलमा एक हजार ४५० मत खसेको थियो । विद्युतीय मेसिनमार्फत मतदान भएको थियो ।