दक्षिण भारतमा भारी वर्षाको पूर्वानुमान, रेड अलर्ट जारी

भारतीय मौसम विज्ञान विभाग (IMD)ले तीन दक्षिण भारतीय राज्यहरू-कर्नाटक, केरला र तमिलनाडुको लागि रेड अलर्ट जारी गरेको छ। यी राज्यहरूमा मे २६ मा भारी वर्षाको चेतावनी जारी गरिएको छ ।

साथै, मौसम विभागले राजस्थानमा गम्भीर गर्मीको लहरको चेतावनी जारी गरेको छ। साथै, बिहार, मध्य प्रदेश र महाराष्ट्रमा पनि तेज हावासँगै वर्षा हुने अनुमान गरिएको छ ।

आईएमडीले आगामी दिनहरूमा दक्षिणपश्चिम मनसुन मध्य अरब सागरका केही थप भागहरू, महाराष्ट्र, कर्नाटक, आन्ध्र प्रदेश, तमिलनाडु, बंगालको खाडी र उत्तरपूर्वी राज्यहरूका केही थप भागहरूमा अगाडि बढ्नको लागि अनुकूल अवस्था रहेको बताएको छ । बीबीसी