सुरक्षा पन्त अभिनित ‘खेल’को बुधबार काठमाडौंमा भव्य प्रिमियर

काठमाडौं । सुरक्षा पन्तको शीर्ष भूमिका रहेको फिल्म ‘खेल ’को प्रिमियर गरिएको छ । छायाँ सेन्टरको हलमा बुधबारबार बेलुका फिल्म खेलको प्रिमियर गरिएको हो ।

शुक्रबारदेखि देशब्यापी प्रदर्शन तयारीमा रहेको फिल्मले समग्रमा सकारात्मक समीक्षा प्राप्त गरेको छ । शुक्रबारबाट रिलिज हुने उक्त फिल्ममा पन्तसँगै हेना नगरकोटी, मोनिका थापा, समापिका गौतम, र निकिता आचार्यको प्रमुख अभिनय छ
फिल्ममा भोलाराज सापकोटा, मिथिला शर्मा, सरिता गिरी, किरण श्रेष्ठ, सुहानी खड्का, भवन घिमिरे, सुजन घिमिरे लगायतको पनि अभिनय छ ।

नेपालको लोककथा, परम्परा र अध्यात्मलाई थ्रिलर र सस्पेन्स कथावस्तुसँग जोडिएको फिल्ममा ४ जना साथीको कथा प्रस्तुत गरिएको छ जसलाई विगतको एक भयानक घटनाले पछ्याइरहेको हुन्छ ।

उनीहरूले डरलाग्दा र अलौकिक घटनाको सामना गर्नुपरेको हुन्छ । यसमा कुनै पनि खेललाई निष्ठापूर्वक नखेल्दा हाम्रो जीवनमा कस्तो हानी हुन्छ भन्ने दर्शाउन खोजिएको छ ।