काठमाण्डौ । नेपाल वित्तीय संस्था कर्मचारी संघ (FIEUN) ले आफ्नो ३५ औं स्थापना दिवस भव्य रुपमा मनाएको छ। कार्यक्रमको प्रमुख आकर्षण प्रभातफेरी थियो, उक्त प्रभातफेरी बिहान ७:०० बजे भद्रकाली परिसरबाट सुरुवात गरेर भृकुटीमण्डपमा समापन गरिएको थियो सो अवसरमा प्रमुख अतिथिका रुपमा नेपाली काँग्रेसका प्रवक्ता एवम् पूर्व अर्थमन्त्री डा. प्रकाश शरण महत र अन्य विशिष्ठ अतिथिहरूले श्रमिक अधिकार र वित्तीय क्षेत्रको सुधारको आवश्यकता जोड दिएका थिए ।
कार्यक्रमका प्रमुख वक्ताहरूले श्रमिकहरूको अधिकारको रक्षा र वित्तीय क्षेत्रमा सुधार ल्याउने विषयमा चर्चा गरे। उनीहरूले काम गर्ने समय, विश्राम र सुरक्षा सम्बन्धी श्रम ऐनको पूर्ण कार्यान्वयन, आयकर छुटको सीमा वृद्धि र वित्तीय क्षेत्रलाई शान्ति क्षेत्रको रूपमा घोषणा गर्नुपर्नेमा भन्दै श्रमिकका मुद्दामा एक्येबद्दता जनाएका थिए।
सामाजिक सुरक्षा र बेरोजगारीको समस्यालाई समाधान गर्नका लागि श्रमिकको प्रतिनिधित्व हुने गरी नीति निर्माणमा सुनिश्चित गर्नुपर्ने आवश्यकता पनि वक्ताहरूले व्यक्त गरे।
कार्यक्रममा संसाद संजय गौतम ,SARTUC का महासचिव लक्ष्मण बहादुर बस्नेतले श्रमिकहरूको हक र अधिकारको बारेमा बोलेका थिए। साथै, NTUC का अध्यक्ष योगेन्द्र कुमार कुँवरले सुमधुर औद्योगिक वातावरण र वित्तीय क्षेत्रको दिगो विकासको पक्षमा आफ्नो विचार प्रस्तुत गरे।
कार्यक्रममा उपस्थित अतिथिहरूले श्रमिक अधिकार र आर्थिक सुधारका लागि एकजुट भएर काम गर्न आह्वान गर्दै नेपाल वित्तीय संस्था कर्मचारी संघको ३५ वर्षको यात्रा र योगदानको उच्च मूल्याङ्कन गर्नु पर्ने कुरा आफ्नो धारणा राखेका थिए ।
प्रतिक्रिया