अपराधमा संलग्न थप ७ जना नियन्त्रणमा

काठमाडौं । काठमाडौंको तीनकुने क्षेत्रमा शान्तिपूर्वक प्रदर्शन गर्ने भनिएको कार्यक्रममा हिंसा भई ७ जना थप व्यक्तिहरूलाई प्रहरीले पक्राउ गरेको छ। मिति २०८१।१२।१५ गते, नवराज सुवेदीको संयोजकत्व र दुर्गा प्रसाईको अगुवाइमा आयोजित प्रदर्शनमा सहभागिहरूले हिंसात्मक गतिविधि गरेको आरोप लागेको छ।

प्रदर्शनका क्रममा, आयोजक र समर्थकहरूले प्रहरीमाथि ढुङ्गा र मुढा प्रहार गरे, साथै गाडीको प्रयोग गरेर प्रहरीलाई आक्रमण गर्ने प्रयास गरे। प्रदर्शनकारीहरूले सुरक्षाकर्मीमाथि घरेलु हतियार, लाठी र फलामका रडले हमला गरेका थिए र सुरक्षाकर्मीको हातहतियार समेत खोसिएको थियो। यस हिंसात्मक घटनामा विभिन्न सार्वजनिक र निजी सम्पत्तिहरूमा तोडफोड र आगजनी गरिएको थियो।

प्रहरीले घटनासँग संलग्न ७ जनालाई काठमाडौंको विभिन्न स्थानहरूबाट नियन्त्रणमा लिएको छ। पक्राउ परेका व्यक्तिहरूको नाम र विवरण यस प्रकार छ:

राज्य विरुद्धको कसूर र संगठित अपराधमा संलग्न:

1. प्रेम थापा मगर (४७ वर्ष) – जिल्ला रुपन्देही, देबदह न.पा. ९

अपराधिक उपद्रवमा संलग्न:

1. समिर मगर (२१ वर्ष) – जिल्ला झापा, गौरादह न.पा. १
2. सुरेश गौतम (२२ वर्ष) – जिल्ला रामेछाप, सुनापाति गा.पा. १
3. सुशिल बराल (२३ वर्ष) – जिल्ला ताप्लेजुङ, फुलुङ न.पा. ३
4. रमेश राई (२७ वर्ष) – जिल्ला नुवाकोट, बेलकोटगढि न.पा. ७
5. गोकर्ण शाही (२० वर्ष) – जिल्ला अछाम, पंचदेवल न.पा.
6. मुकुन्द दहाल (३९ वर्ष) – जिल्ला संखुवासभा, पाचँखपन न.पा. २ (हाल काठमाडौं, कागेश्वरी मनोहरा न.पा. ९)

प्रहरीले पक्राउ परेका व्यक्तिहरूलाई ७ दिनको अनुसन्धान म्याद थप गरेर अनुसन्धान अघि बढाएको जनाएको छ।