Logo

मनोरञ्जन

दुर्गेश थापाको पहिलो लाइभ कन्सर्ट हायातमा, टिकट खल्ती र आइएमई पे मार्फत उपलब्ध



काठमाडौं । नेपालका लोकप्रिय गायक दुर्गेश थापाको पहिलो लाइभ कन्सर्ट यही वैशाख १८, २०८२ (१ मे २०२५) मा हायात ग्राउन्ड, बौद्धमा आयोजना हुने भएको छ। कन्सर्टको टिकट खल्ती र आइएमई पे जस्ता डिजिटल वालेट प्लेटफर्मबाट अनलाइनमा उपलब्ध गराइने छ।

यस कन्सर्टको टिकट खरिदको लागि खल्ती र आइएमई पेले प्रयोगकर्ताहरूलाई सहज र झन्झटविहीन प्रक्रिया प्रदान गर्नेछन्। दुर्गेश थापाले ‘दुश्मन हेरेको हेरई’, ‘रातो रातो खुर्सानी पिरो छ’ लगायतका सुपर हिट गीतहरू प्रस्तुत गरेका छन् र आफ्नो आकर्षक र ऊर्जावान प्रस्तुति को कारण दर्शकहरूले यस कन्सर्टबाट पुरा मनोरञ्जन प्राप्त गर्नेछन्।

आयोजक ट्राइएङल इन्कसँगको साझेदारीमा खल्ती र आइएमई पेले टिकटिङको सेवा प्रदान गर्दै कन्सर्टको अनुभवलाई अझ सहज र सरल बनाएका छन्।

खल्तीका प्रमुख कार्यकारी अधिकृत विनय खड्काले भने, “हामीलाई दुर्गेश थापाको कन्सर्टमा टिकटिङ पार्टनरको रूपमा सहकार्य गर्न पाउँदा अत्यन्त खुशी लागेको छ। खल्तीलाई युवामैत्री ब्रान्डको रूपमा स्थापित गर्ने हाम्रो उद्देश्यलाई यस प्रकारको सहकार्यले थप बल दिने विश्वास राखेका छौँ।”

यस कन्सर्टमा दुर्गेश थापासँगै अन्य लोकप्रिय कलाकारहरूको पनि प्रस्तुति हुनेछ, जसले उपस्थित दर्शकलाई अत्यधिक मनोरञ्जन दिनेछ।

प्रकाशित मिति : २० चैत्र २०८१, बुधबार  २ : १७ बजे