भाटभटेनी अध्यक्ष मीन बहादुर गुरुङको दुर्गा प्रसाईंको गतिविधिप्रति कडा आलोचना

काठमाडौं। भाटभटेनी सुपरमार्केट्सका अध्यक्ष मीन बहादुर गुरुङले व्यवसायी दुर्गा प्रसाईंको गतिविधिलाई कडा शब्दमा आलोचना गरेका छन्। आज (बुधबार) आयोजित कर्मचारी सम्मान समारोहमा बोल्दै उनले प्रसाईंको कार्यशैली र सरकारसँगको सहकार्यप्रति असन्तोष व्यक्त गरेका हुन्।

गुरुङले दुर्गा प्रसाईंलाई “गुण्डा” भनेर संबोधन गर्दै, सरकारले उनलाई नियन्त्रण गर्न नसकेको र देशमा कुनै दण्ड प्रक्रिया नहुने जस्ता आरोप लगाएका छन्। उनले भने, “दुर्गा प्रसाईं गुण्डा कै नाइके हो, र राज्यले उनलाई केही गर्न सकेको छैन। छाडा छोडेको छ। आन्दोलनकारिहरुले भाटभटेनी लुटे, भोलि अरु व्यवसाय पनि लुट्न सक्छ।”

त्यसपछि, उनले सरकारको आलोचना गर्दै भने, “यो सरकारको दोष हो, गुण्डालाई राज्यले खुला छुट दिएको छ। बैंकका कर्मचारीलाई कालो मुसो लगाउन पनि छुट दिएको छ। यसको परिणामस्वरूप आज दुई जना होनहार नागरिकले ज्यान गुमाए।”

गुरुङले नेपालका संविधानमा भएको कुनै पनि परिवर्तनको सम्भावना नदेख्दै, दुर्गा प्रसाईंको आन्दोलनले नेपालको राजनीति र व्यवस्था परिवर्तन गर्न असम्भव रहेको बताउनु भयो। उनले थपे, “राजसंस्था फर्काउन नसक्ने र राज्यले गुण्डासँग कस्तो व्यवहार गरिरहेको छ भन्ने कुरा आम नागरिकलाई बुझ्न आवश्यक छ।”

अन्तिममा, उनले दुर्गा प्रसाईंको कुनै पनि अनाधिकृत गतिविधि र सरकारको कमजोरीलाई ध्यानमा राख्दै, नेपालको राजनीतिक अवस्था र भविष्यको बारेमा समेत विचार व्यक्त गरे।