पोखरा अन्तर्राष्ट्रिय नाटक महोत्सव हुने

पोखरा । पोखरा थिएटरले पोखरा अन्तर्राष्ट्रिय नाटक महोत्सव–२०८१ को आयोजना गर्ने भएको छ ।

विहीबार पोखरामा पत्रकार सम्मेलनको आयोजना गर्दै पोखरालाई अन्तर्राष्ट्रिय सांस्कृतिक तथा नाट्य पर्यटनको केन्द्रका रूपमा स्थापित गर्ने उद्देश्यले पोखरा अन्तर्राष्ट्रिय नाटक महोत्सव गर्न लागेको जानकारी गराइएको हो ।

नेपालका साथै चीन, ट्यूनिसिया, नर्वे, जापानलगायत विभिन्न देशका नाटकहरू महोत्सवमा प्रस्तुत गरिनेछन् ।

वि.सं २०७५ मा पहिलो पटक पोखरा थिएटरले पोखरा अन्तर्राष्ट्रिय नाटक महोत्सव आयोजना गरेको थियो । सो महोत्सवमा नेपाल, भारत, मेसेडोनिया लगायत विभिन्न देशका कलाकारहरूको उपस्थिति रहेको थियो । त्यसले पोखरालाई सांस्कृतिक तथा पर्यटन गन्तव्य का रूपमा अन्तर्राष्ट्रिय पहिचान दिलाउन महत्त्वपूर्ण भूमिका खेलेको थियो ।

यसै परम्परालाई निरन्तरता दिँदै पोखरा थिएटरले पुनः पोखरा अन्तर्राष्ट्रिय नाटक महोत्सव–२०८१ को आयोजना गर्दैछ । महोत्सव नेपाली तथा अन्तर्राष्ट्रिय नाट्य समुदायलाई एकसाथ ल्याउने विशेष अवसर हुनेछ ।

महोत्सवमा पाँच देशका नाटकहरू– बहुसांस्कृतिक तथा विविध नाट्य अनुभव प्रदान गर्ने, फोरम थिएटर र कार्यशालाहरू – कलाकार, रंगकर्मी, पर्यटन व्यवसायी, र संस्कृतिप्रेमीहरूसँग अन्तरक्रिया गर्ने, खुला छलफल तथा संवाद कार्यक्रम–संस्कृतिकर्मी, पर्यटन व्यवसायी, सञ्चारकर्मी, तथा नाट्यप्रेमीहरूका लागि विशेष सेसन गर्ने, सांस्कृतिक तथा पर्यटन प्रवद्र्धन – पोखरालाई सांस्कृतिक गन्तव्यका रूपमा अन्तर्राष्ट्रिय स्तरमा उचाइमा पुर्याउने योजना रहेको छ ।