काठमाडौं । पूर्वाञ्चल विश्वविद्यालयका मुख्य सहायक (कम्प्युटर) हिरालाल यादवलाई झुटा शैक्षिक प्रमाणपत्र पेश गरेर सेवासुविधा लिएको आरोपमा विशेष अदालत, काठमाडौंमा आरोपपत्र दायर गरिएको छ।
अनुसन्धानका क्रममा, यादवले पूर्वाञ्चल विश्वविद्यालय कलेज अफ मेडिकल एण्ड एलाईड साईन्सेजमा मुख्य सहायक (कम्प्युटर) पदमा अस्थायी नियुक्ति र पूर्वाञ्चल विश्वविद्यालय स्कूल अफ म्यानेजमेन्ट, विराटनगरमा स्थायी नियुक्ति पाउनका लागि भारतको केन्द्रीय माध्यमिक शिक्षा बोर्ड (सी.बी.एस.ई.) अन्तर्गत महाराजा अग्रसेन पब्लिक स्कूल, अशोक विहार, न्यू दिल्लीबाट जारी भएको प्रमाणपत्रको आधारमा सेवा सुरु गरेको भेटिएको छ।
तर, सो प्रमाणपत्र झुटा र नक्कली भएको पुष्टि भएपछि उनलाई भ्रष्टाचार निवारण ऐन, २०५९ को दफा १६ को उपदफा ९(१०) बमोजिम कैद र जरिवानाको सजाय हुन माग गर्दै विशेष अदालतमा आरोपपत्र दायर गरिएको हो।
यस घटनाले विश्वविद्यालय प्रशासनमा शैक्षिक प्रमाणपत्रहरूको जाँच प्रक्रिया कडा बनाउने आवश्यकता थप स्पष्ट गरेको छ।
प्रतिक्रिया