काठमाडौं । नेकपा (माओवादी केन्द्र)का सांसद माधव सापकोटाले ‘आई लभ यू’ केपी बा भनिदिनुपर्ने ? भनि सत्तापक्ष सांसदलाई सोधेका छन् ।
बिहीबारको प्रतिनिधिसभा बैठकमा उनले अध्यक्ष पुष्पकमल दाहाल ‘प्रचण्ड’को अभिव्यक्तिमाथि सत्तापक्षले आपत्ति जनाएपछि उनले जवाफ दिँदै त्यस्तो भनेका हुन् ।
“प्राधिकरणका दुईजना सञ्चालकले बक्यौता उठाउनुपर्छ भन्दा अपदस्त गरेको होइन ? त्यो महान कार्य हो भनेर ‘आई लभ यू’ केपी बा भनिदिनुपर्ने हामीले ? आईएम विथ केपी ओली भनिदिनुपर्ने ?,” उनको प्रश्न छ ।
उनले सशस्त्र संघर्षलाई एमाले सांसद योगेश भट्टराईले हिंसा भनेकोमा आपत्ति जनाए । आन्दोलनलाई अवमूल्यन गर्ने अधिकार नभएको चेतावनी दिए । “आन्दोलनलाई अवमूल्यन गर्ने अधिकार छैन । कमरेड योगेश भट्टराईलाई आफ्नो नेतृत्वको चाकडी गर्ने स्वतन्त्रता छ,” उनले भने, “जनयुद्धका बारेमा विरोध गर्न उहाँको बैठक, भेलामा उहाँलाई स्वतन्त्रता छ ।”
उनले प्रतिपक्षले संघर्ष गर्ने भन्दै त्यसका लागि सत्तापक्ष तयार रहन चेतावनी पनि दिए । “विपक्षी भनेको ‘वाच डग’ हो । उसले आफ्नो ड्युटी पूरा गर्छ,” उनले भने । उनले संसद्मा वैचारिक बहस गर्न अपिल गरे ।
प्रतिक्रिया